IYAHA

 sayon litokon ang

moralidad

apan lisod gayod kaayo kini tumanon

sayod ka kaayo niana

tawo ka, sama kanako,

sayon molitok, apan ulipon diha

sa iyang pagtuktok

dili ba nga ang dalan paingon sa impyerno

gipaayo man sa maayong mga katuyoan?

dili ba nga ingon ka, pagkalami sa imong gibati

apan pagkasayop gayod diay sa maong

nabuhat, tungod kay dili kalami ang basihan sa

kamatooran, o sa kasaktohan,

aduna kini sukod nga dili atong sukod

nga dili nato binuhat

apan miingon ka usab nga ikaw ang haring gangis

dinhing dapita

ikaw ang sakto, ikaw ang magbuot,

ikaw ang kamatooran, ikaw ang agianan

sa atong kalipay nga madimdim unya

mahimong sundon ko ikaw

mahimong sa karon lamang, apan kabahin sa ugma

ug sa umaabot

dili na ako makapasalig niana

motigbabaw gayod ang sakto

unya dili na kana ang atong sukod

kon dili iyang Sukdanan

Iyaha. Oo, Iyaha gayod.

Dili ako.