Gikataw-anmo ang akong
hinapay
mibawos sab kos
imong kabuang gisumpayan
ug kaliwat
gituyoktuyok ko ang akong tudlo
sa akong alimpulo
gipakita mo ang imong pangag
lahi na ang akong nakita kanimo
morag dili na seguro kini
matabang
ang bahin kanato
hapit na nga giyagyag sa kurog
nga panahon
dunay itugyan dunay buhian
kinsa kaha ang ilaglag sa kapalaran?
walay baha nga mobalik pa sa suba
matod pa nimo
nanimaho kang aso sa sugnod nga basa
dili ko maantos ang maong kahimtang
kusog ang aso
dili na ako kaginhawa
sa langit ko ihangad ang mga sambingay
lantawon ko ang mga talimad-on
sa mga bitoon
giandam ko na ang akong kaugalingon
sa laing balay sa laing bungtod
pangitaon ko na ang lunsay nga hangin
nga alang lang gayod kanako....
No comments :
Post a Comment
Lami ba?