kutob lang kita sa
balak
usa ka nindot ug
init nga lawak
gawas niini wala na
ayaw pangutana palihog
kon malipayon ba kita
dili mo ba kini makita
sa samin sa mga pulong?
dili mo ba kini madungog
sa giwang sa bentana?
ang atong mga kamot ang
atong mga tudlo kutob lamang
sa ilang mga bukton
gawas niini, wala nay laing
laming panghitabo
wala na man gani ang gitara
putol na ang kwerdas
buslot na usab ang tambol
madungog na lamang ang bagulbol.
No comments :
Post a Comment
Lami ba?