ang lahi

samtang
nasunog ang mga balay
samtang nagkabuang og hakot ang mga nasunogan
samtang nagkalingaw pog og pangawat ang mga walay batasan
samtang nagkabuang ang mga bombero kon unsaon pagpasulod ang trak
aron makaabot ang gakuwang nga tubig
samtang ang mga bata nanghilak unya ang ilang mga inahan nangalisang
samtang ang nahibilin nga tiguwang sa sulod sa balan nakuyapan
samtang nagkakusog ang kalayo kuyog usab sa hangin
samtang nawad-an na og paglaom ang mga tagadidto nga mamatay ang kalayo
samtang ang mga manang nag-ampo nga unta moulan na lang

anaa ka mibalak.
way kiber. way puangod.
walang paki.

manhid sa kagubot.
manhid sa sunog.
buhing patay.