2016/01/20

way klaro

nagpahimog
debuho ang tiguwang
sa iyang
nawong

sa paningkamot
unta nga
ganahan ang tiguwang
unya mobayad
og mahalmahal

giayog retoke niini
ang iyang nawong
unya gipili ang mga
bulok sa
kabuntagon

dan-ag sa kahayag sa
adlaw
kapresko sa mga dahon
sa saging nga
bag-o lang gayod nga
giulanan

pagkahuman
nakita sa tiguwang nga
siya ambongan
nabatan-on apan

lahi ang iyang
gibati 

"bakakon kining
hulagwaya
dili na ako kini"

wala niya bayari
ang maong
hulagway
gikasab-an ang
naghimo

" nganong imo man
akong gibinuangan?
dili ako ganahan nga
imong bakakan
dili ko ganahan nga
imo akong
ulog-ulogan"


ang dakong sayog
mao
nga nganong wala giklaro
ang ilang
sabot.

Panginhas dire