2016/01/24

mikuyog siya sa tumang kalipay

sa pag-abot sa mga
senyales
dali ra kini kaayo
nga mabantayan

nahulog ang kataposang
dahon sa hulaw
nalubong sa lapok ang
haw-an

ang hangin gikan sa dagat
tig-a
ang iro wala mibanghag
abri na usab nga daan ang
pultahan

ambot og ngano nga wala
naman siya'y gibati nga
pagkawili 
sa iyang wala pa mahuman
nga gibuhat

wala siya'y dala bisag usa
ka sapot
mitindog siya
migawas sa pultahan
bisag walay nabilin sa iyang
balay nga pinangga
wala niya masabot ang iyang
gibati
mikuyog siya sa tumang
kalipay

Panginhas dire