ang paghikalimot nimo

kadtong
among larawan sa
beijing
kadtong naglakaw mis
great wall dapit
tos badiling

nindot ang maong
larawan
tam-is kaayo ang
atong mga pahiyom
ingon gani
sila dili kaayo 
magkompyansa
basig
unya kitang duha
lamigason

misandig kas akong
abaga
miduko ko gamay
aron maaninaw ang
akong
kalaw nga ilong

abi mo hangtok karon
ganahan gihapon kong
ako tong
lantawon

naa siya anang gitawag
kog x-factor
makalipay apan wala koy
makit-an nga katarongan
nganong ang kagahapon
makalipay lang gihapon

bisag naa pa gihapon ang
tunok sa dughan nga ang kasakit
morag tunok sa isdang 
pulag ikog nga misabod
sa akong tutunlan

ah, ang mga kagahapong
napan-os dili mahimong
bino nga kon magkadugay
magkalami
o magkaedaran magkaisog
nga mora bag kon kinsa 
kadtong isog
mas humot mas swabe
sa atong paminaw

kadtong akong pangandoy
nga biyaan taka hagbay
rang nahitabo gani ikaw
naa na man say laing
katig sa imong kinabuhi, apan

dili dali mahikalimot ang
kasingkasing nga ug sila pa
naa say iyang kaugalingong
mga katarungan nga sa utok
dili mabuntog og maharong.