2016/01/17

kinsa bay ganahan mokaon og dahon?

dunay miingon nga siya
giganahan
silong sa akong ngalan
namasin ko usahay
kon nakahinumbom ba siya
sa among pagpasilong kausa
sa dakong punoan sa mangga
sa dihang
miabot ang kusog nga ulan
kuyog sa bulhot sa kusog
usab nga hangin?

namasilong lang kami aron
dili mabasa
apan dili tungod kay giganahan
kami sa dakong punoan sa
mangga nga niadtong panahona
wala gayoy bunga.
kinsa bay ganahan mokaon og
dahon?
kinsa bay ganahan mosud-an
og mga sanga?
kinsa bay ganahan magpuyo
sa balay nga walay bongbong
og walay bentana?
ang tubag niini puros wala.
dunay giganahan apan sa dili
sakto nga katarungan
kay ang iyang pag-anha
diha sa mga samtang lamang.

Panginhas dire