1/02/2017

garay alang sa iro nga kagiron

gipakita mo lang
nga walay dili malabay dinhing dapita.

sa dihang mibungat siya nga ang tiguwang nga iro nga walay pulos kay di na kamaong mopaghot ipaihaw na lang sa mga palahubog isip ilang sumsuman
gibalibaran nimo.

lisod kaha niya sabton nga ang mga higala dili angay nga budhian nga sama sa iro nga kaniadto nagbantay sa balay unya karon gikagid na unya mapuklid na kon kaligoon mo sa dagat dili makaon?

adunay mga balaod sa kasingkasing
sa panaghigala, dili mo kini mahimong ilawog sa mga barumbado
hangtod dili ka mawad-an sa saktong
barog diha sa kilid sa imong labat samtang naglantaw ka sa mga panganod tupad ang imong iro nga puti nga ang mga mata misimag sa adlaw

No comments :

Post a Comment

Lami ba?