alang kang Manang

wala ka maliwat ni mama
nga bisag di makamao mosulay
gayod

bisag gatuiris na ang paglitok
mosyagit pa gyod
aron lang siya mabati didto
sa desyerto nga kamingaw
sa iyang kinabuhi nga
biniyaan

wala ka gayod maliwat Manang,
ang imong katahom walay gamit
ang imong lawas tawo tawo lamang
sa basakan
ang imong mga kamot nagpabiling
mga bulawan
walay balor sa mga kargador.