2019/07/09

ang akong kape nga nalimtan

sa akong gilingkoran samtang
namahaw 
kita nako ang fuente osmena

lingin nga plaza nga gilibotan
sa kahoy
unya sa tunga niini anaa ang
fountain nga wala na nagbugwak
ug tubig

dunay talagtag nga nag-walking
ug nag-jogging samtang daghan
ng mga taksi, jeepney ug mga 
motor nga nagtuyok tuyok agi
ning busy nga rotunda

daghan kaayong mga hunahuna
nga nagtuyoktuyok usab sa lingin
nga plaza sa akong utok hangtod
nga nakalimtan ko na ang kape nga
karon nagmingaw na pag-ayo sa
iyang kapait ug kabugnaw

milantaw kanako ang waiter
nangutana kon duna pa ba koy
laing order.

No comments :

Post a Comment

Nindot ba? Unsay imong maikasulti?

Panginhas dire