2019/07/24

dili baya tanang balak, balak

dili baya tanang
balak mahimong balaknon
sama sa imong
kabalaknon

ang uban niini
tambal lamang sa 
labad sa kamingaw

ang uban syagit
sa kahigwaos sa 
kaulag nga wala
pa sukad
matagbaw

naay uban hinoon 
nga hinungaw sa
imong kamingaw
sa mga pagbati
nga maingon tang
si Bathala na lang
ang nasayod kon
unsa gayod ug
ngano.

No comments :

Post a Comment

Nindot ba? Unsay imong maikasulti?

Panginhas dire