basin diay

dili ko maghisgot kabahin
sa mga kaso,

kawat, patay, drugs, 
ilad, ug uban pa
ug dili ko usab hisgotan
ang bahin sa akong
kinabuhi o sa imong 
kinabuhi ba kaha

hisgotan ta ang mga bakak
ang mga fantasia ang mga
mahimong matinood o
dili matood

basin diay, ug sa paghisgot
niini
matinood na ang mga bakak
o matuman na ang mga
fantasia

basin diay og pinaagi niini
mahimo na akong tinood nga
balaknon
basin diay og ang mga tanghaga
nga wala diha
moabot ra

unya malipay ang mga buyog
mahupong ang mga buwak
matagkosan ang mga panganod
mahawiran na ang suba diha
sa imong mga tudlo

basin diay og moabot ang kaanindot
ang gipangita nga kalipay
ang gihandom nga bangaw likod
sa unos nga mapasagaron.