wala damhang kamatayon.

kadtong sugilanon kabahin sa
nahulog nga buhawi dapit sa
dr. jose rizal unya kalit misaka
ang tubig lapas pa gani sa
tulay
unya adunay tawo nga gitaral
sa kusog nga sulog sa tubig nga
ilang giitsahan ug pisi apan wala
kini makahawid niini unya ang
tanang atua sa kilid sa habog
ug sementadong balay igo na lamang
naglantaw sa tawong gilumsan sa
tubig dayon misamot ug kalubog
didto sa ilalom sa pula nga lapok
unya wala nay madungog
wala na say makita
unya ang tanang tawo nahilom
pag-ayo sa nakitang pagsaknit
sa kinabuhi sa maong wala
damhang kamatayon.

kaganiha lang kadtong tawhana
namaligya pa intawon ug bisol
sa taboan sa barangay Timos
nga tagoanan sa tanang tambaloslos.