2019/07/10

sa imong pagtalikod kanako

GITALIKDAN MO
Ako

gihagkan ko ang 
imong liog

gipakamang ko ang
akong mga kamot

sa imong tiyan saka
sa imong dughan

gilibot sa akong mga
tudlo ang imong

atngal gipadagan ang
akong palad sa imong

aping sa imong buhok
gihalokan ko ang

imong aping hangtod
nga sa kahinam 

miatubang ka kanako
amoman gisugdan

na usab nato balik
ang naandan.

No comments :

Post a Comment

Nindot ba? Unsay imong maikasulti?

Panginhas dire