tulis sa atubangan

hangyoon ko ikaw
nga unta yano lang 
gihapon kining kabahin
natong duha

sa atubangan mao
ang kusog nga hulog
sa waterfalls, unya sa
sulod dili makita ang
langob, 

niining bahina kita
lang ang nasayod asa
ang sulod ug asa ang
gawas

kita lang usab ang
makadungog kon unsa
ang awit sa adarna sulod
sa atong mga dughan

hangyoon ko ikaw nga
yanahon lang nato kining
tanan: kawatan nga
dili masakpan
tulis sa atubangan
limbong sa limbongan.