2019/07/12

Tulo ka bakak

Gikutasan nako
Sa imong pagbalik balik sa pansayan
Dili lang sa makaduha, tulo, upat, lima,
Ka higayon tikang nasakpan
Naaktuhang niago, niutnga ug niutong
Nalibang nga walay hugaw
Nihagawhaw ka ug miingon,
"Gitubol ko"  
Apan nasayod ko
Bakak lang ang tanan
Una, kay gainom kag tsa padaot
Duha, kay utan ang gikaon mo ganiha
Tulo, kay nasayod kong gahinay kag lantaw
Luyo sa pultahan
Sa paa ni Roxanne nga gakupot sa Tanduay
Sakay sa kabayo
Sul-ob ang two-piece niyang pula
Animal ka!
Bakakon kang dako

No comments :

Post a Comment

Nindot ba? Unsay imong maikasulti?

Panginhas dire