2019/07/05

panaghiusa

anaa ang mga pulong nga akong
gihan-ay sa ibabaw sa katre sa lawak
nga nanghumot sa manggang wani.

kon ganahan ka, kan-a kining mga

pulunga kay kini makapabuhi sa imong
dugo

gani kon daghanon mo ang pagkaon

ang pagtamasa sa kalami niini diha sulod
sa imong baba nga duladulaan sa imong
dila, ugomon mo, usapon ug dugay hangtod
nga mahimo kining duga 

mabati mo ang kalami nga sama sa 

katam-is kaaslom sa akong dugo
nga karon motapon usab sa imong laway
paingon sa tinai sulod sa imong tiyan
hangtod nga motapon na usab kini sa imong
dugo

karon nahiusa na kita padolong sa kinabuhi

ug sa kamatayon

No comments :

Post a Comment

Nindot ba? Unsay imong maikasulti?

Panginhas dire