2019/07/09

manok bisaya tinonoan

milantaw kos akong
larawan
nga bag-o lang gikuha
kuyog ninyo
sa camera sa samsung
kong celfon

sky blue ang
akong barong nga
long sleeve
ala emilio aguinaldo akong
bag-ong alot
nga mora na noon kog
si gardo versoza
(nga morag walay 
pagmahay sa 
kinabuhi sa loyloy nga
mga mata ni paul newman
sumala pa sa abogadong
kampanilya nga siging
kapildi sa akong korte)

sa way pagdapigdapig
ambongan ko
dako lang ang akong
tiyan tungod na sa
pagpasagad ug kaon ug sa
kaluspag sa pangedaron

apan dili kana maoy akong
ipasabot dinhi
kay diha sa akong pagtutok
gayod nako sa akong lawas
ug nawong

dunay naghunghong kanako
basin kaha ang akong
kalag


"dili na ikaw ang kaniadto,
nausob ka na pag-ayo"

*you have changed a lot

and you are no longer you*

gisulayan ko kini pagkupos
pagsala sama sa paghimo nakog
tono alang sa manok nga sud-an
namo sa panihapon:

tinonoang manok bisaya,
gilamogan sa sili ug sa
daghang kaayong curry....

pagkahalang sa alingagngag
nakasyagit ug panabang 

bugnaw nga tubig
gatas sa inahan

liberty condensada
alaska man.


memories of youth
nostalgia for innocence

No comments :

Post a Comment

Nindot ba? Unsay imong maikasulti?

Panginhas dire