ikaw ang molitok sa kataposang pulong

ikaw ang gigasahan
sa paglitok sa kataposang
pulong

hinaut pa unta nga imo
kining ayohon sa paglitok

kana bang ang bali nga 
pako
masumpay pagbalik aron
ang maong langgam
makalupad pag-usab

kana bang ang atabay nga
nagmala na sa dugay katuigan
makabaton balik sa
iyang namat-an nga tubod

ikaw ang molitok sa 
kataposang unga sa baka
nga giihaw
sa mehe sa kanding nga
gipainom una ug suka
dayog lubag nila sa iyang
liog

ikaw ang molitok sa 
kinakusgang lamba sa
pultahan human sa usa
ka away

ikaw lang gihapon ang
molitok sa dili matulon nga
kahilom
human sa usa ka lipot nga
pagpatay...