managlahi nga awit

dili dungan ang
awit sa kalag
ug ang awit sa lawas

lahi ang giawit
sa akong mga unod
lahi usab ang giawit
sa akong ispiritu

dili pa panahon sa
ilang panagdungan
nahisama sila 
sa kabayong puti og
itom nga lainlaing
og direksyon.

ang awit sa yuta ug
ang awit sa langit
anaa gilabat sa awit
sa hangin

ang mga walay 
buot nga panganod
anaa naghandom sa
mga dila sa dagat.