human sa usa ka malipayon nga
salosalo, nangabusdik ang tanang
tiyan sa tumang kabusog.
naa ang bunyag, naa ang pista,
naa ang kalamposan, naa ang mga
hikay sa bisag unsang kalipay
dinaghan, dinagko, og ginagmay
nakasulod si covid. nakasulod sa ilong,
milahos sa tilaok, nagpahulay sulod
sa tiyan, naglipay usab, tungod sa ilang
kadangag.
ugma dili pa magsugod ang kusog nga
hilanat. Hinay nga mokamang ang takig.
Pakatulugon pa sila sa tumang kakapoy.
Dili pa sila matingala sa hinay nga hangos.
Gukod sa ginhawa, sa uga nga dila nga karon
dili na makaila sa adobong humot ug sa
bantot nga utot.
nanaghan si covid. nagsugod na ang laing
balod, sunod sa laing dakong balod nga
mibunal sa dangag nga katawhan.
ang tambalanan puno na, ang lungon nagkulang
ang dalan mingaw na kaayo, unya madungog mo
ang kusog nga bakho ug iyak sa mga nahibilin nga
karon magsugod na ug basol sa gobyerno, sa Ginoo,
mangutana Ngano, Ngano, Ngano ba nga nahitabo
kini? Ngano pog gyod kaha?
