2015/09/03

kumusta? naunsa ka na ?

ugma nakita nako nga 
dili na kitang duha

ako naunsa na ba usab?

ugma mahimo na akong
usa ka matood nga bakakon

ang tanan kanako sama
sa mga hinog nga bayabas
mangahulog na

ang nataran hagbay rang
gibiyaan unya ang labat

ang pultahan nahisama sa
labat nga igmat kanunay

kining manirado busa wala
ni usa ka bata ang mosulod

aron mopudyot sa mga 
nangahulog nga sa naandang

panghitabo kining tanan
paingon man lang gihapon

sa kakawang, mangalata,
manimaho, apan walay bisag

usa sa atong silingan ang
makahibalo bahin niini.

Panginhas dire