2015/09/22

hangtod kanus-a kaha
matantang ang tungaw
ang karapata sa itoy
ang kakatol sa suntoy?

hangtod kanus-a kaha
mawa ang panganod 
sa ayoyok ning bungtod?

hangtod kanus-a kaha
mawa ang sulog ning
atong luhaang walog?

hangtod kanus-a kaha
mawa ang kitik sa patik?
ang uwang sa iro ang
aw-aw sa kagabhion?

gidamgo ko gihapon ang
linaw sa lanaw
ang kasuod sa yamog
sa dughan sa dahon

Panginhas dire