9/03/2015

kinahanglan
andam ka kanunay
nga mobalik
sa sabakan sa inahan
sa kahaw-ang

mao kini ang
imong tiunay nga
pinuy-anan

gikan niini
mahimong molungtad
ka sa usa ka panahon

apan balikan mo kini
gihapon

wala nimo kini
mingawi
gusto nimo kining
sa hangtod
biyaan

apan mao may imong
kapalaran
mao may imong
kinaiyahan

ikaw ang anak sa
kahaw-ang
ikaw ang amahan
sa kahaw-ang
ikaw kanunay magpuyo
sa iyang
tago-angkan

No comments :

Post a Comment

Lami ba?