2015/09/19

karon nakahibawo na ako
sa pipila ka tuig nga milabay

wa mibalik, nagpabilin sa
tanang mga tugon kanako

mga pagbati lamang, milabay,
way mibalik nga sapnot o aslom

mga pagbati lamang, walay katig,
patay ang timonel, guba ang katig,

apan nagpabilin kita niining sulog
sa pagbati, abi nato ug patay na,

kita dinhi, nagtinga? buhi, buhi sa
gihapon ang isda sa buak nga

baso, sayod ka, mga pagbati lamang,
ugma sayo sa buntag, galmon ko

ang kalimot, naandan ko na kini,
pahiyom lang dayon, lakaw sa unahan

kita ang mga panganod, manamin
ako sa sapa, ang akong aping

gihagkan sa mga isda, ang langgam
nga itom, milabay lamang,

usa ka balahibo, nahulog sa sapa
kini ang akong sakayan palayo kanimo

Panginhas dire