9/03/2015

wa kaayo nako seryosoha
ang pwetri
kon imong seryosohon man god
magdaot jud ka
hilantan kag taas kaayo morag
tukador sa imong mama niadtong
gamay pa ka
takigan ka
unya walay tambal
busa usa ka kagabii nga
nag-antos luko diha sa
gamay og nipis
kaayo nga habol
walay ganahan niini
bisan kinsa
di lalim ang hilanat
og takig
maong balikan ta
wa gyod nako seryosoha ang
pwetri
daghan na ang nabuang
niini
daghan na usab ang mibaha
nga dugo sa ilalom sa
tulay
tungod sa ilang
mga kapungot kalibog
og mga kahinawaing
maong wa gayod nako
seryosoha ang pwetri
kay ang pwetri sa
bisan kanus-a
wa sab ko seryosoha
busa shatong ang
labas
bagol-bagol ang
tabas
dula dula lang
balay balay
dakop dakop
tago tago
usa kini sa mga suruyanan
sa panahon nga
ang kalibotan sama sa imong
utok nagsipok diha
sa katuplok

No comments :

Post a Comment

Lami ba?