2015/09/06

sa kadugay sa panahon

sa kadugayan
dili mo mabantayan
mas maanindot ka na
nga mosayaw

ang imong mga tudlo
morag dahon sa kogon
nga misunod sa awit
sa hangin sa galaray
nga kabungtoran

ang imong mga tiil
morag tubig sa sapa
nga misunod sa kiay
sa tamping galikoliko

ang pinakaanindot mong
pahiyom nga gihulma sa
atong panahon
tinabas tinahi sa adlaw og
kagabhion

Panginhas dire