kon ang ulod
mikibkib sa dahon
magmalipayon ang
kalibotan

ang uga nga yuta
lipayon sa ulan
ang sapa nga gipuy-an
sa rami
gikalipay usab sa mga bato
sa kilid sa tampi
nga gikalingawan
pagtabon sa
bugnaw nga mga
lumot

apan kon ang ulod
mosulay na gani og kibkib
sa bato
mapungot gayod ang mga
lumot
og ang ulan mobiya
sa uga nga yuta
ug ang mga rami
mangamatay sa
natikig nga sapa

adunay mga gipili
nga dili angayan
nga ning kalibotan
kasilagan

kon ang adlaw mosupak
sa kahayag
kon ang kagabhion
did-an sa bulan

asa naman kaha paingon
ang atong kalibotan?