2015/09/03

ang pagdayeg
maoy bisita nga gipaabot niya
nga ugma damlag
moabot sa iyang payag
didto sa luyo sa dako kaayong
bungtod nga mibabag
sa iyang panglantaw
sa dagat
dugay kining miabot
apan iya lang gihapon gayong gipaabot
hangtod nga ang unang miabot
mao ang kaguol
dayon ang mga pagmahay
ang mga kapakyasan
dayon ang iyang katigulangon
ang mga kunot sa iyang agtang
mibalod
ngadto sa baybayon sa iyang mga
bukton hangtod na sa iyang
mga kuyamoy
miabot ang pagdayeg
kuyog sa iyang mga mangantahay
kuyog usab sa mga tiguwang
nga nagdala sa ilang mga rosaryohan
sa mga pungpong sa
buwak nga puti
sa sakristan og pari nga nagdala
sa kataposang pag-ampo og
pangaleya
dayog paulan sa gikinahanglan
kaayo nga bendeta
milanog dayon ang makakurog nga
awit sa mga kantora

Panginhas dire