2015/11/02

hulagway nako didto sa serbia

nagpahulagway ko
atubangan sa usa ka
dako kaayong simbahan didto
sa Serbia

itom ang akong
jacket
dayon blue ang akong
polo shirt

suot nako ang akong
abohon nga
columbia shoes
ug ube nga
thermal socks
dark blue ang
akong mark & spencer
slacks

sud sa akong bulsa
ang baga nga hand gloves
og usa ka liso sa pine tree
nga sa akong tan-aw
dili motubo sa atua


sirado ang pultahan
sa karaang simbahan
nga hangtod karon wa pa 
mahuman
kay kutob ra man sa saad
si Vladimir Putin nga
iya kunong abonohan
  
samtang sa akong atubangan
(maong dili nimo makita)
atua ang pipila ka mga
nanggi-tent nga mga Syrians
nagpaabot sa gadulong nga
winter

Panginhas dire