sa imong pagbalik unya

sa pagbalik nimo sa inyo
lima ka tuig gikan sa imong
paglakaw nga walay 
pananghid. inig abot mo
sa pag-abot usab sa saktong
takna nga ipakita diha kanimo
sa pagpamuyak sa saging
tundan, 
balikan mo ang bato nga
misiak sa kilid sa imong giagian
aron sa makausa pa
imo na usab kining hagkan,
kay sa ubos niini
anaa ang mga gamot sa
karaang balite
hagkan mo kini og
tilawan ang kapait nga
anaa nagpabilin gihapon
sa iyang samdan nga
panit