2015/11/29

mapasalamaton

mapasalamaton ang mga
alibangbang sa mga buwak
nga sa sayong adlaw namuswak
mapasalamaton usab ang mga buyog
sa kadaghan sa katam-is diha sa
mga talulot
mapasalamaton ang miawit nga
mga suba nga mitipon sa baba
sa dagat
mapasalamaton ang mga kakahoyan
sa ulan
ang mga langgam sa mga hinog nga
kapayas
mapasalamaton ang kabungtoran
sa hangin

sama kanilang tanan ako usab
mapasalamaton sa tanang nadawat
nga wala na gikayo

mapasalamaton ang kasingkasing
sa gugma
ang dughan nga gahambin sa
kalinaw
ang hunahuna nga layaw nga
sa hangin misayaw

Panginhas dire