pakighinabi

ang pakighinabi
kabahin lamang sa duha

sa una, ikaw og ang
bongbong sa imong lawak



miapil ang lingkoranan
tupad sa higdaanan

dayon nagpadayon ang
bongbong sa pagpamati

sa imong gisugid sa imong
giiyakan sa daghang katuigan

hangtod nga ang pakighinabi
milapos sa pikas nga kahaw-ang

karong, ikaw og ako,
ako nga ikaw.

tingog sa ilalom nga
mihiwa sa kasingkasing