2015/11/30

hapit na miabot ang panahon
ikaw sa wa ako sa too
ikaw sa pagsalop ako sa pagsubang
ikaw sa sulog ako sa tampi lamang

kon moabot na kini dapit sa utlanan
dili ko mogamit ug pulong
sa kanunay hawiran ko ang kadena sa
kahilom
dili ko kini putlon bisan unsaon

tutukan ko ang nangagi sama sa
usa ka larawan nga akong handumon
dayon ako kining ipatabanog sa hangin
hangtod nga kini mawala na sa dayon
kanako

kinumo kong kamot hipos
isandig sa dughan aron hulmahon ko ang
bato batok kanimo

bato ang tinubdan bato sad ang lintonganan
ilatag na ang utlanan aron kini masabtan

Panginhas dire