pagpapataypatay

sa atong pag-abot dinhi
giabiabi kita nila sa usa ka
paghangop
gakos diri gakos didto
halok diri halok didto dayon
ila kitang dalhon sa usa ka
panihapon diha sa lamesa
nga puno sa pagkaon og
mga ilimnon

sa atong atubangan anaa
ang mga sayaw og mga
awit anaa ang mga gitara
og mga trompa
ang mga buwak nga gisabwag
sa hangin
ang kahumot sa mga talidhay
og mga kahinaw sa mga
kaway

wala nato damha ang sunod
nga panghitabo 
sa ilang pag-abot mirakrak
sila sa ilang kabangis

kadtong nag-inom kadtong
kanhiay lang nangatawa og
nagtam-os sa kalipay nga gidalit
sa kalami unta sa kinabuhi
naa anaa natikalbong sa ilang
mga lamesa tupad sa mga
buak nga baso sa nangausik
nga bino sa mga pagkaon nga
nagtuagsa diha sa ubos sa lamesa

dayon nilang pamahawa 
hangtod nga sila nangawala

og ikaw nga wala maapil sa
dagit sa kamatayon
wala pa gihapon kabangon
sa imong paglingla sa mga
daotan diha sa way puas nga
pagpapataypatay