dili ni para imo
ayaw ipamugos ang dili para imo
dili ni makaayo kanimo
kay dili ni para imo

kon imong ipamugos
ang pag-angkon niini
nan mahimong maimo kini
dili lang karon
kondili hangtod sa kahangtoran

apan bisan pa sa pag-abot
og pagpahawa na unya nining
dili gayod para imo

magpabilin ang iyang
tanghaga
usa ka itoy nga nahimong
iro nga bisan sa imong kaayo
dili gayod gihapon
mokiwil ang iyang ikog
dili mosayaw
dili pod makamaong
motingog
nga bisan og galurat ang
iyang mata
sa kahayag sa adlaw
dili lang gayod kini siya
makaila kanimo