2015/11/04

kadtong akong nalabyan kagahapon sa bulwagan ng katarungan sa alas singko sa hapon

gipaubos ang
heavily tinted nakong glass sa
Isuzu d-max
og mikaway ko nimo
dayog hatag sa akong
taas uyamot nga pahiyom

mikaway sab ka nakog
mipahiyom samas katam-is
sa leche flan nga walay
lamog sa egg white

plantsado kaayo ang imong
kulot mayaman nga puting barong
sinaw ang attache case
heavily tinted sab ang
imong glasses

class gihapon  kaayo ang atong 
responsorial psalm
sa nag-ung-ong nga kamatayon

(three times a week na ang
imong dialysis og

sumala sa latest tsismis
paspas ra pod kaayo ang
pagkuyanap sa 
aggressive cancer cells)

Panginhas dire