2016/11/11

ang pag-ihi mo sa buwak

giihian mo man ang bulak
gihapdosan kaha siya?

wala kay tubag sa pangutana
nganong giihian mo man ang bulak?

ugma mamuswak na usab ang bulak
misamot kanindot, misamot kahumot.

"nakaayo kini kaniya" (bisan dili
maayo lantawon) morag mao kana
ang imong giingon

bisan dili maayo hunahunaon
apan ang buwak nga imong giihian

namuswak na usab, ngano kahang
giganahan man usab kini kanimo?

Panginhas dire