2016/11/08

naa diay gaba?

mitulibagbag ang kanhiay
isog, ang iyang baroganan
napiang, di na gani katindog.

kami nalooy, nagkabuang intawon
unsaon pagbalik sa iyang 
kaniadto, kadtong isog siya,
unya sa kanunay kamaong asa
mopaingon, gani manudlo pa 
man sa kasaypanan sa uban.

nalup-ug ang isog, wa na katindog.
nawad-an sa katig, nagtakilid.
kami nalooy, gani ang iyang kaaway
miadto man aron pagtabang.

kinsa kahay mikawat sa iyang utok?
kinsa kahay milubog sa kalinaw sa
sapa sa iyang kasingkasing?
kadtong iyang gisagpa kaniadto
sa walay igong hinungdan, nalooy.
sa hinay miingon, " naa diay gaba?"




Panginhas dire