2016/11/17

ag kabahin ni ester

sakit paminawon nga
gipasa ko nimo ni ester.

nakadayeg daw siya
sa akong gisulat.

adlaw adlaw daw niya
kining gibasa

nga mora bag ako na
usab ang iyang gihandom

sa luyo niining tanan
namati ko pag-ayo nimo

gitutukan pa gani ta ka
unya didtong higayona

nakaingon ko nga si
ester lang diay ang 

giganahan nako unya
ikaw ...wala, maong

sakit paminawon nganong
gipasa ko nimo ni ester

nga unta ako nagpaabot
man usab sa imong pagdayeg

o bisan dili na lang niana
bisan na lang ug gamayng

pag-ambat, maong ako
dali kaayong nakabangon

miyubit sa pulong nga
"lantawa si ester, mas

batan-on pa man gihapong
tan-awon bisag mas 

magulang pa kini siya
kaysa kanimo" ug 

nahingangha ka, wa 
masayod kon nganong

lahi kaayo akog 
tinubagan, ..ngil-ad

ngil-ngig, dala sab sa
pagkagot sa akong ngipon.

Panginhas dire