2016/11/15

kaming nagsulat punay diha kaninyo

wala baya pod kami
maghandom nga kami managhan
diha nimo
o diha kaninyong tanan nga makamaong
mobasa
nga mobasa gayod
namo,

lahi ang among panaw, wa gani kami
kabalo kon asa, kon sa sakayan pa nagsigi lang
kamig bugsay
apan walay nasayod kanus-a moabot ug asa 
moabot

nagluntaw kami sa tubig sa adlaw sa gabii
mabati namo ang kami naglutaw sa hangin
diha sa tumang kangitngit sa dihang namatay
na ang bulan unya ang tanang mga bitoon
nangahulog sa dagat dayon ang among kalibotan
morag gamayng lawak
diin napalong na usab ang
bugtong  nga kandila.

balikan namo ang agosto kana kon makabalik pa
kami,
gusto namo ang pag-uli 
walay kapin walay kulang......

Panginhas dire