2016/11/10

ang kalipay sa nobyembre

ang mga bulingon
sa higdaanan, ang akong
purol nga nanimahong
abhong, 
ang akong panyo
nga mantsado sa mangga,
nahipos na,

ang usa ka habol nga
bag-ong plantsa
akong gilatad sa akong
dughan

ang hinog nga saging
nanghumot sa ulohan sa
higdaanan,

sa pikas lawak dapit
sa kusina
mikuyanap ang kahumot
nga bag-ong
gihaon nga inun-onang
palotpot
ug kan-on


mihigda ko sa katre
abre ang bentana lantaw
kos nanayaw nga
mga panganod

oran oran nanawag na
ang giandam mo nga
pamahaw

Panginhas dire