2016/11/14

sa dihang mibalak ka.

ang magtudlo kanimo
mao ang naa sa sulod
sa imong kasingkasing

ang baba sa imong atay
maoy malitok sa tanang
kapait. Ang imong dila
moidlok sa laway. 
Salayan ug tago kini
sa imong kahilom.
Apang sa kataposan
ang paak sa kasag maoy
mkasyagit sa tinood.

wala nimo kini
nakat-uni sa klase,
kalit lang kining
migawas sa saktong
panahon

mahimong didto sa katol,
mahimong didto sa kadanlog
diha sa gahi nga miloyloy
sa hinanok nga katulog,

mahimong didto sa usa ka
kalit ug sakit nga sagpa,
mahimong didto sa kadangag
diha sa pagkadam-ag

mahimong didto sa sakit
nga ngipon
ngotngot kaayo sama
sa nahitabo sa imong
gugma
nga bisan na lang diha
sa tipsing
wala gyod bisang sa
panampiling
wala mabaling.

Panginhas dire