2016/11/20

embudo

ang mga pulong
nagkatag sa akong higdaanan

ang mga hait anaa sa
akong alugnan

kadtong uban nga putol
og habol anaa nagbabag
sa akong agianan
paingon sa 
ihianan. kaning akong edad
nahimong
palaihi sa usa ka sapot
nga dili mahurot

ako silang giignan
katulgon na ko kaayo
ang akong pangandoy sa kinabuhi
mao lamang
ang katulugon

nahimo akong usa ka embudo
sa mga pulong
ang mga letra nahimong ulan
misubay sa sandayong
paingon sa sagbot kaayo nakong
buhok
diha sa ulo

Panginhas dire