katulgon

ang duha ka
batan-ong lalaki
naghulip sa
mga kawayang
gabok nga
gikaon sa anay
didto sa gawas
sa balay

namati ko sa
sulod sa lawak
sa usa ka
symphony
sa tingog sa
martilyo nga
nagdukdok sa
lansang
sa hait nga
sundang nga
nagsapsap
sa kawayan

dili na mabanban
ang akong mga
mata nga lapoy
kuyog sa akong
gubot nga hunahuna
nga miambak na
sa lalom nga
pangpang sa
katulugon