2016/11/21

mohon

gilubong mo ang
mohon sa 
usa ka utlanan

dili mo na pabalikon
ang nangagi
kay lagi kausa ra kuno
tumban ang
sulog sa tubig didto
sa Malala

daghan baya ang mga
utlanan
aduna say laing mga
mohon sa unahan

siya usab naghimog laing
labat
nga inig human niyag
ambak
dili na usab niya bakwion
ang timon nga
kawayan

ambot ba nganong kitang
tanan
nag-ampo man sa mga 
utlanan
naghalad man ug mga buwak
sa mga labat nga
puthaw?

Panginhas dire