abi nilag lami ang imong gipamati

sa tumoy sa bungtod
nga imong gitungtungan karon
gipakpakan kas mga
wa kakatkat og mga nangahulog

kadtong misulay sa pagkatkat
nadailos
wa makaya ang kadanlog sa
agianan

karon naglantaw kas kalibotan
morag masud na nimo ang mga bitoon
ang bulan sa imong palad
mahikap mo na ang langit

abi nilag lami ang imong gipamati
ang imong tiyan naghiyak sa kahadlok
ang imong tinae morag gibitad paingon
sa ubos
unya matag gutlo mora ka usab
og sama kanila
morag mahulog

ayka! wa ka nay kapaingnan
kondili ang pagkahulog lamang
wa lang sila masayod kon kanus-a
apan seguradong moabot ra gayod
kanang hitaboa...