ipanglabay kana,

pagkadaghan sa pinalit
pagkagamay lang sa magamit
pagkadaghan sa gipanghipos
pagkadaghan sa giabogan lamang
og gipangtay-an

pagkabug-at ba sa imong gipas-an
pagkadaghan ba sa imong gibitbit
unsaon mo man kana?

layo pa baya ang atong panaw
sakit na ang atong mga tiil
laylay na kaayo ang atong mga kamot
nag-ambilay na ang atong mga abaga

nasayod ka na sa imong buhaton
ipanglabay kana, dalha lang ang hunahuna
sa maong higayon, mogaan ang imong tiil
malipay ang imong mga kamot
dayon hapsay na ang atong lakaw