2015/05/02

hapit na ang kasubong di kaayo nako sinati.

samtang namauli na kita
paingon sa atong balay
sakay sa akong gimanehong
pick-up, tupad ka kanako
miingon ko nga atong ayohon
ang atong relasyon,

steady lang, walay bakay,
straight lang, walay likayay,
kay sa panahon unya sa 
kasakit, kitang duha lang gihapon
ang magsalo sa usa ka basong
apdo, 

og miiyak ka. Abi mo
gipakatawo kong tig-a og kasingkasing
wala nay luha ang akong
mga mata,
ang akong nabatasan mao na lamang
ang paghangad sa langit og
pag-inom sa ulan,

kon mosaad ko, wagas.
wa koy sukad gibali nga sanga
sa bayabas,
kay di ko kamaong mouli 
sa bunga nga akong
gipakli

ayohon gyod nato.
hapit na ang kasubong
di kaayo nako sinati.
mas bug-at kaysa naandan.
yayongan ta.

Panginhas dire